• Өнөөдөр 2024-04-30

Нийтийн тээврийн салбарт Азийн хөгжлийн банктай хамтран ажиллана

2024-04-17,   173

        Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг Азийн хөгжлийн банкны Тээврийн салбарын захирал Канзо Назая тэргүүтэй төлөөлөгчдийг хүлээн авч уулзлаа. Энэ үеэр Улаанбаатар хотод 2024-2028 онд хамтран хэрэгжүүлэхээр төлөвлөж буй төсөл хөтөлбөрүүдийн талаар санал солилцлоо.

       Нийслэлийн Засаг даргын нэгдүгээр орлогч П.Сайнзориг “Азийн хөгжлийн банктай хамтран хэрэгжүүлж буй “Bus rapid transport” буюу тусгай замын автобусны төсөлд үргэлжлүүлэн хамтарч ажиллахад таатай байх болно. Мөн нийслэлийн ачаа тээврийн нэгдсэн логистикийн төв байгуулах, замын ачаалал ихтэй хэсгүүдэд олон түвшний уулзвар барих, явган хүний зам, дугуйн замыг өргөсгөх, нийтийн тээврийн салбарын мэргэжилтэн, инженерүүд болон холбогдох албан хаагчдын ур чадварыг нэмэгдүүлж, чадавхыг бэхжүүлэх чиглэлд хамтран ажиллахад бэлэн" гэлээ.

    Азийн хөгжлийн банкны Тээврийн салбарын захирал Канзо Назая Улаанбаатар хотын нийтийн тээврийн салбарыг сайжруулах чиглэлд хамтран ажиллахад бэлэн гэдгээ илэрхийлж, цаашдын хамтын ажиллагаа үр дүнтэй, ач холбогдолтой байна гэдэгт итгэлтэй байна гэсэн юм.

 


Нийтийн тээврийн салбарт Азийн хөгжлийн банктай хамтран ажиллана
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2024 © Зохиогчийн эрх хуулиар хамгаалагдсан. Мэдээлэл хуулбарлах хориотой.