Эмийн үнийн өсөлтийн шалтгаан, нөхцөлийг хянан шалгах түр хорооны нотлох баримтыг шинжлэн судлах сонсгол үргэлжил байна. Өнөөдөр эмийн үнийн өсөлт ба шалтгаан нөхцөл, үнийг бүрдэл болон эмийн үнэнд нөлөөлсөн хүчин зүйл, эмийн үнийн мэдээлэл ил тод байдлын талаарх өнөөгийн нөхцөл байдал, чанаргүй болон хугацаа дууссан эмийн устгал болон бусад асуудлаар сонсгол үргэлжилж байна. Энэ үеэр УИХ-ын гишүүн М.Оюунчимэг үг хэлж, асуулт асуулаа.

         Тэрбээр “ Би "манай улсын эмийн зах зээлд аалзны тор үүрлэсэн, мафижсан байна" гэж хэлээд загнуулж байсан. Бодит байдал ийм л байна. Эрүүл мэндийн салбарын бүх ААН-үүдийн ажилтан, хамаарал бүхий хүмүүс бүгд эм, эмнэлгийн хэрэгсэл оруулж ирдэг, эсвэл эм худалддаг компанитай байна. Адилхан нэртэй компани байна гэдэг оюуны өмчтэй холбоотой учраас боломжгүй. Тиймээс хамаарал бүхий хүмүүс л байгаа” гэв.