УОК-ын Шуурхай штабаас 21 аймгийн  Мал эмнэлгийн газрын удирдлагууд цахим хурал хийж, улсын хэмжээнд хэрэгжүүлж байгаа малын сэг, зэмийн устгалын нөхцөл байдалтай танилцлаа.

Улсын хэмжээнд дөрөвдүгээр сарын 14-ний байдлаар нийт 1,098,450 мал амьтны сэг зэмийг булшлах арга хэмжээг зохион байгуулж, уст цэг, нийтийн эзэмшлийн талбай, хашаа, хороо, худаг, уст цэг, агуулах, бэлчээрийн нийт 487,100 ам метр талбайг тус тус халдваргүйтгэсэн байна.

                     Мөн энэ үеэр УОК-ын Шуурхай штабын дарга, бригадын генерал Б.Ууганбаяр малын гоц халдварт өвчнөөс урьдчилан сэргийлэх, тэмцэх арга хэмжээг эрчимжүүлж, шаардлагатай арга хэмжээг цаг алдалгүй авч, байгууллага хоорондын уялдаа холбоог хангаж ажиллахыг үүрэг болголоо.