Эрүүгийн цагдаагийн албанаас нэр бүхий этгээдийг дайчлан баривчилж, холбогдох обьектуудад нэгжлэг, шалгалт хийсэн талаар мэдээлэл хийлээ. Энэ тухай Эрүүгийн цагдаагийн албаны Эдийн засгийн гэмт хэрэгтэй тэмцэх газрын дарга Б.Ганчулуун

“Эрүүгийн цагдаагийн албанаас өчигдөр буюу дөрөвдүгээр сарын 15-ны өдөр мөрдөн шалгах ажиллагааны хүрээнд нэр бүхий этгээдийг Эрүүгийн хэрэг хянан шийдвэрлэх тухай хуульд заасны дагуу прокурорын зөвшөөрөлтэйгөөр дайчлан баривчилсан.

                   Тухайлбал, нэр бүхий этгээд эх үүсвэр нь тодорхойгүй их хэмжээний мөнгө кредит болон бусад арилжааны банкны хувь нийлүүлсэн хөрөнгийг нэмэгдүүлэх байдлаар хувиргаж, мөнгө угаах гэмт хэрэг үйлдсэн байж болзошгүй гэх хэрэг байгаа. Нөгөө нь, нэр бүхий этгээдүүд бүлэглэн 2021 оны 9-11 сар хүртэлх хугацаанд нийслэлийн Сүхбаатар, Баянгол дүүргийн нутаг дэвсгэрт бусдаар гадаадын бооцоот тоглоомын сайтад мөрий тавиулж, улмаар их хэмжээний мөнгө алдсан гэх шалтгаанаар бие нь халдаж, эрүүл мэндийг нь хохироож, зорчих эрхийг нь хязгаарлан, ойр дотнын хүнд нь хүч хэрэглэхээр заналхийлсэн байж болзошгүй байна. Уг хэрэгтэй холбоотойгоор 10 гаруй обьектод нэгжлэг, шалгалт хийж, санхүүгийн баримт болон гадаад валют зэргийг баримтаар хурааж авсан. Улмаар дээрх холбогдуулан шалгаж буй дөрвөн иргэнийг Эрүүгийн хэрэг хянах шийдвэрлэх тухай хуульд зааснаар 48 цагийн хугацаатай дайчлан баривчилж, цагдан хорих 461 дүгээр ангид хүргүүлээд байна” гэлээ.