Эмийн үнийн өсөлтийн шалтгаан, нөхцөлийг хянан шалгах түр хорооны нотлох баримтыг шинжлэн судлах сонсгол үргэлжил байна. Өнөөдрийн сонсголоор эмийн хүртээмжийн асуудал, Монгол Улсын эм зүйн салбарын өнөөгийн нөхцөл байдал ба тулгамдаж буй асуудал, зайлшгүй шаардлагатай болон хөнгөлөлттэй эмийн зохицуулалт болон бусад асуудлаар сонсгол хийх юм. Энэ үеэр Уналт, таталттай өвчтөний төлөөлөл н.Хонгор үг хэллээ.

       Тэрбээр “Төр хариуцах эмийн жагсаалтад 18 нас хүртэл хүүхдүүд ордог. Энэ нь уналт, таталттай ажил хийх боломжгүй, гэр бүлийнхнийхээ асаргаанд байдаг хүмүүст их хүнд тусдаг. Эмийн жагсаалтад ороогүй хэрнээ даатгалд хамрагдсан эмүүдийн хүсэлтээ тавьсан. Би өөрийнхөө уудаг эмүүдээ авчирсан. Энэ эмүүд эрүүл мэндийн даатгалд орсон хэрнээ , Монгол Улсын эмийн жагсаалтад байхгүй, БНСУ-ын эм. Сарын хэрэглээ нь 200 мянган төгрөг болдог, долоон жил ууж байна. Гэтэл эрүүл мэндийн даатгалын жагсаалтад байдаг ч эмийн сангууд оруулж ирдэггүй учраас би нэг ч удаа улсаас хөнгөлүүлж авч байгаагүй” гэв.