Эмийн үнийн өсөлтийн шалтгаан, нөхцөлийг хянан шалгах түр хорооны нотлох баримтыг шинжлэн судлах сонсгол үргэлжил байна. Өнөөдрийн сонсголоор эмийн хүртээмжийн асуудал, Монгол Улсын эм зүйн салбарын өнөөгийн нөхцөл байдал ба тулгамдаж буй асуудал, зайлшгүй шаардлагатай болон хөнгөлөлттэй эмийн зохицуулалт болон бусад асуудлаар сонсгол хийх юм. Энэ үеэр Эрүүл мэндийн яамны мэргэжилтэн УИХ-ын гишүүн Д.Батлутын асуултад хариуллаа.

       Тэрбээр “ЭМД-аас эмийн үнийн хөнгөлдөг шалтгаан нь иргэдэд очиж байгаа санхүүгийн дарамтыг бууруулах зорилгоор хөнгөлөлттэй үзүүлдэг. Даатгалаас хөнгөлөлттэй эмийн хэрэгцээ жил бүр нэмэгддэг. 2018 оны байдлаар нийт 377 мянган иргэн хөнгөлөлттэй эм авч байсан бол 2023 онд энэ тоо хоёр дахин нэмэгдэж 645 мянган иргэн авч байна. Хөнгөлөлттэй эмийн жагсаалтыг сонгохдоо тухайн жилийн өвчлөлийн шалтгааныг харж сонгодог. Архаг өвчин, иргэдийн нийтлэг авдаг эм, чихрийн шижин, хорт хавдрын эм, хүүхэд, ахмад настнуудын хэрэглэх эмийг хөнгөлдөг” гэв.