УИХ-ын гишүүн Б.Дэлгэрсайхан, Т.Энхтүвшин нар Дорноговь аймгийн Улаанбадрах, Хатанбулаг, Хөвсгөл сумдад өнгөрсөн долоо хоногт ажиллажээ. Тэднийг тойрогтоо ажиллах үеэр малчдад 100 мянган төгрөг тараасан гэх мэдээлэл олон нийтийн сүлжээгээр цацагдсан. Тэд ямар ажлаар тойрогтоо ажилласан болохыг Дорноговь аймгийн Улаанбадрах сумын Засаг даргын тамгын газрын даргаас тодрууллаа. Тэрбээр “Манай аймгийн хоёр гишүүн өвөлжилт, хаваржилтын нөхцөл байдалтай танилцаж, малчидтай уулзсан. Мөн зургаан хүнд төрийн дээд одон, медаль гардуулсан. Тухайн үед малчдад мөнгө өгөөгүй болохоор би энэ асуудлыг мэдэхгүй байна” гэв.