ЗТХЯ, Санхүүгийн Зохицуулах Хороо, Хүний эрхийн Үндэсний комисс, ЭТТ ХК, Тавантолгой тээвэрчид, тээврийн компаниудын оролцсон “Авлигажсан тээврээс Ашигтай тээвэрт“ сэдэвт уулзалт өнөөдөр “Туушин” зочид буудлын “Соёмбо” танхимд болж байгаа. Тээвэрчид өнгөрсөн долоо хоногт ажил хаялт зарласан. Ямар шаардлагаар ажил хаялт зарласан болохыг тээвэрчдийн төлөөлөлөөс тодрууллаа. Тэрбээр “Бид Засгийн газарт 362 дугаар тогтоолыг өөрчлөх шаардлага хүргүүлж байгаа. Мөн тээвэрчид шударга өрсөлдөөнгүй болчихсон. Оффтек гэрээ байгуулж, монополчилсон байдал бий болсон. Мөн тээвэрчдийн цалинг Зам, тээврийн сайдын шийдвэрээр жишиг доод хэмжээнд хүргэх хэрэгтэй байна гэх шаардлагын хүрээнд бид нэгдэж байгаа” гэв.