Эмийн үнийн өсөлтийн шалтгаан, нөхцөлийг хянан шалгах түр хорооны нотлох баримтыг шинжлэн судлах сонсгол үргэлжил байна. Өнөөдрийн сонсголоор эмийн хүртээмжийн асуудлаар сонсгол хийнэ. Монгол Улсын эм зүйн салбарын өнөөгийн нөхцөл байдал ба тулгамдаж буй асуудал, зайлшгүй шаардлагатай болон хөнгөлөлттэй эмийн зохицуулалт болон  бусад асуудлаар сонсгол хийх юм. Энэ үеэр УИХ-ын гишүүн Б.Бейсен асуулт асуулж, үг хэллээ.

         Тэрбээр “Мэдээлэлтэй танилцлаа, зайлшгүй шаардлагатай эмийг тоогоор нь 600 гаруй гэсэн байна. Кодлоод оруулсан бол 300 гаруй эм байгаа. Энэ талаар нарийвчлан судалсан уу. Ямар төрлийн эм ихээр орсон байна. Иргэд 600 гаруй эмийн хөнгөлөлттэй авч байгаа юм шиг хэрнээ бодит байдал дээр 300 гаруй эм хөнгөлөлттэй авч байгаа. Монопол эмийн компаниуд, эм ханган нийлүүлэгчид олноо эм оруулаад будилуулж байна уу гэж харж байна" гэв.