Дэлхийн оронд хүмүүсийн сэтгэлийг татах байгалийн өвөрмөц тогтоц бүхий газар болон жуулчдыг татах зориулалтаар бүтээсэн цогцолборууд бий. Эдгээрээс хүмүүсийн хамгийн ихээр зорьж үйлчлүүлдэг онцгой засалт, чимэглэл бүхий дэлхийн хамгийн алдартай 10 рестораныг танилцуулж байна.

Ithaa Undersea

Мальдивын Конрад амралтын газрын Ithaa Undersea ресторан нь 16 футын гүнд байрлах ба усны хувцас, усанд шумбахгүйгээр үзэхийн аргагүй далайг амттай хоол идэх зууртаа харх боломжийг тус ресторан олгодог.

Snow Castle

Финляндын "Snow Castle" рестораны хоол, уух зүйлээс бусад бүх зүйл цас эсвэл мөсөөр хийгдсэн байдаг. Энэ бүх мөс учраас зочид хоолоо хэт хүйтэн болохоос өмнө хурдан идэх хэрэгтэй. Бүхэл бүтэн цайз, түүний дотор рестораныг өвөл болгон сэргээн бүтээжээ.

The Rock

   Энэтхэгийн далай дунд байх арал нь цагаан элсэрхэг наран шарлагын газар, тунгалаг бүлээн ус, тааламжтай уур амьсгалтай. Олон амралтын газруудын дунд жуулчид The Rock ресторанд романтик оройн хоол идэх сонирхолтой байдаг. Энэ цэг нь Мичанви Пингве далайн эрэг дээр байрладаг ба далайн дундах хадыг тохилог рестораны суурь болгон ашиглажээ.

The Grotto

Агуйн зоогийн газар гэж нэрлэгддэг ресторан нь Прананг далайн эрэг дээрх шохойн чулуун агуйд байрладаг. Романтик ресторан нь тансаг Раявади амралтын газрын нэг хэсэг боловч шинэхэн амттай хоол, сэтгэл хөдөлгөм орчинд таашаал авахыг хүссэн хүн бүрд нээлттэй. Рестораны онцлог нь долоо хоног бүрийн хэд хэдэн онцгой шөнө бэлтгэдэг далайн хоол шарсан мах юм.

Лабассин хүрхрээ ресторан

Өвөрмөц орчин нь байгалийн тогтоц ажээ. Жуулчид жинхэнэ орон нутгийн хоолыг амталж, хулсны ширээн дээр хооллодог. Тэдний хөлийг тунгалаг усаар угаана. Энэ чийглэг уур амьсгалд илүү сэтгэл сэргээсэн зүйл нь  хүрхрээ юм.

Vertigo ресторан, сарны баар, Бангкок

Тэнгэр баганадсан барилгын хамгийн дээд давхарт байрлах ресторан нь Banyan Tree зочид буудалд харьяалагддаг. Өвөрмөц Sky bar нь хэлбэр дүрсээрээ ер бусын барилгын дээгүүр цухуйн, сунасан тавцангаасаа болж хотын дээгүүр агаарт хөвөх мэдрэмжийг төрүүлдэг гэнэ.

Dinner In The Sky

Энэхүү концепц нь анх Европын 22 залуу рестораны эздэд зориулсан нисдэг зоогийн ширээ хэлбэрээр эхэлсэн. Түүнээс хойш Европ, Австрали, Япон, Энэтхэг, Дубай, Өмнөд Африк, Бразил, АНУ, Мексик, Канад, Хятад зэрэг дэлхийн 60 гаруй орноор аялжээ.

Bird’s Nest Restaurant Thailand

Модны хонхорхой буюу үүр нь модонд, газраас 16 фут өндөрт байдаг. Энэ нь хоолны үеэр гайхалтай үзэмжийг бишрэх онцгой боломжийг олгоно. Тус рестораны зөөгчид хоол, ундаа хүргэхийн тулд зип шугам ашигладаг.

Walter’s Coffee Roastery, Turkey

"Breaking Bad" телевизийн шоунаас санаа авч, шоуны гол дүр Уолтер Уайтын нэрээр нэрлэгдсэн Walter's Coffee Roastery нь цувралын танил элементүүдийг авч шар өнгийн хувцас, тогтмол хоолны цэс, капучино бүхий өвөрмөц мета лабораторийн орчинтой.

Supperclub.tube

Лондонгийн цорын ганц хоолны галт  тэрэг болох Supperclub.tube нь 1967 онд үйлдвэрлэгдсэн Victoria Line галт  тэрэг дотор суугаад хооллох боломж олгодог. “Walthamstow Pump House”-д байрлах уг суурин тэрэг нь 35 хүртэлх хүний суудалтай гэнэ.