Соёлын сайд Ч.Номин соёл, урлагийн салбарын дээрэлхэлт, хүчирхийллийн асуудал болон Үндэсний урлагийн их театрын барилгын засварын ажлын талаар тайлбар хийлээ.

Тэрбээр “Ер нь аль ч газар хүчирхийлэл, дээрэлхэлт байх ёсгүй. Хүний эрхийн хувьд огт байж болохгүй зүйл. Тиймээс бүх шатандаа шаардлагатай арга хэмжээ авах ёстой. Ёс зүйн алдаа гаргасан бол уучлалт гуйх нь тухайн уран бүтээлчийн хувь хүний ёс зүйн асуудал. Гэхдээ бодит байх ёстой. Нотолгоо, баталгаатай байх ёстой. Соёлын яам бол соёлын салбарын бодлогын асуудлыг тодорхойлдог газар. Хүний эрхтэй холбогдолтой зүйлүүдийг хэрэгжүүлдэг байгууллагууд нь тусдаа бий.

       Соёлын салбар сүүлийн 20 гаруй жил орхигдсон. Үүний нэг илрэл нь их засвар болон урсгал засвар хийгдээгүй соёл урлагийн  байгууллагуудын байр байна. Соёлын сайд болсноосоо хойш сэргээн засварлалтын ажилд анхаарал хандуулж байгаа. Бид драм, дуурийн театрын барилгыг сэргээн засварлах ажил хийж байгаа. Гэхдээ өөрсдөдөө байгаа төсвийнхөө нөөц бололцоогоороо хийж байна” гэв.