“Миний сүлжээ “ дэлгүүрийн агуулахад гарсан галын улмаас онцгойгийн алба хаагч амиа алдлаа. Тус алба хаагч гал унтраахаар хамгийн эхэнд ирсэн дөрвөн алба хаагчийн нэг байжээ. Мөн хоёр албан хаагч хөнгөн бэртэж, эмнэлэгт хүргэгдсэн байна.

      “Миний сүлжээ” дэлгүүрийн агуулахад гал гарч байна гэсэн дуудлага өнөөдөр 10:28 цагт ирсэн байна. Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, СХД-ийн онцгой байдлын хэлтсийн Гал түймэр унтраах, аврах 29, 26 дугаар ангийн алба хаагчид үүрэг гүйцэтгэн ажилласан билээ.