УОК-оос цас, зудын нөхцөл байдал болон Дүнжингаравын уулзварт болсон дэлбэрэлтийн дүгнэлтийн явц болон шатахуун  түгээх станцуудад хийсэн хяналт шалгалтын талаар мэдээлэл өгч байна. Энэ талаар Барилга, хот байгуулалтын яамны дарга Д.Жаргал мэдээлэл өглөө.

        Тэрбээр “Түймэрт өртсөн байр болон ойролцоох гурван байрт  шалгалт, шинжилгээ хийгдсэн.  Барилгын галд өртсөн байдал, нүүрсхүчлийн хийн нэвчилтийн байдал, материалын бат бөх, металлын хатуулгын хэмжилт, галд тэсвэрийн дүгнэлт хийсэн. 207-р байрны гадна талын 75 хувь нь галд өртсөн. 10 айл бүхэлдээ, 45 айл хэсэгчлэн галд өртөж, найман айл галд өртөөгүй байна. Дүгнэлтээр бага, дан нуруунд барилгын стандартыг хангахгүй байна. Мөн арматурын гажилт үүссэн. Барилгын 210 баганын 8.8 хувь нь галд хүчтэй нэрвэгдсэн. Метал баганын 50 хувь бүрэн шатсан нөхцөл байдалтай байна” гэлээ.