Өмнөговь аймгаас Улаанбаатар хотын чиглэлд зорчиж явсан 38 зорчигчтой автобус ачааны машинтай мөргөлдөж, 19 хүн эмнэлэгт хүргэсэн талаар бид өмнө нь мэдээлсэн. Тэгвэл урьдчилсан байдлаар хоёр иргэн амиа алдаж, тухайн автобусанд зорчиж явсан иргэд  гэмтсэн байна. Осол орсон иргэдийг ГССҮТ-рүү хүргүүлж, хоёр иргэнийг зөөвөрлөх боломжгүй учраас Төв аймгийн эмнэлэгт эмчилж байгаа аж. Энэ талаар Төв аймгийн Нэгдсэн эмнэлгийн Эмчилгээ эрхэлсэн орлогч дарга Б.Оюунтуяагаас тодрууллаа. “Манай эмнэлэгт зөөвөрлөх боломжгүй эрэгтэй, эмэгтэй дундаж насны хоёр хүн үлдсэн. Нэг хүнд ГССҮТ-ийн эмч нар тархины хагалгаа хийж байгаа. Нөгөө хүн нь эрчимт эмчилгээний тасагт эмчлүүлж байна. Осолдсон хүмүүсийн гар, хөл хугарч, тархины битүү гэмтэл авсан байна” гэв.