ГССҮТ-ИЙН АЖИЛТАН Р.МӨНГӨН: ОСОЛДСОН ТАВАН ХҮНИЙ БИЕИЙН БАЙДАЛ ХҮНД БАЙГААГААС ГУРВЫГ НЬ ЗӨӨВӨРЛӨН АВЧИРЧ, НЭГ ХҮНД ТОЛГОЙН МЭС ЗАСАЛ ХИЙЖ БАЙНА

2024-03-29, 6147

Зам тээврийн ноцтой осол гарч, олон хүн гэмтжээ. Тодруулбал, Өмнөговь аймгаас Улаанбаатар хотын чиглэлд зорчиж явсан 38 зорчигчтой автобус ачааны машинтай мөргөлджээ. Уг осол Дундговь аймгийн замд гарч, гэмтэж, бэртсэн хүмүүсийг Төв аймгийн Нэгдсэн эмнэлэгт өнөөдөр 10:10 цагийн үед хүргэсэн талаар бид өмнө нь мэдээлсэн. Ослын улмаас, бэртэж, гэмтсэн иргэдийг Төв аймгийн Нэгдсэн эмнэлэгээс авчирсан эсэх талаар ГССҮТ-ийн Хэвлэл мэдээллийн албаны мэргэжилтэн Р.Мөнгөнөөс тодрууллаа.

Тэрбээр “Манай эмнэлэгт осолд орсон 37 хүн хүргэгдэж ирсэн. Төв аймгийн эмнэлэгт таван хүний биеийн байдал маш хүнд байснаас гурвыг нь авчирч, нэг хүнийг толгойн мэс засалд яаралтай оруулсан. Хоёр хүнд нь хараахан мэс засал хийгээгүй байна. Харин хоёр хүнийг зөөвөрлөх боломжгүй байсан учир Төв аймгийн эмнэлэгээс авчирч чадаагүй. Хавсарсан бэртэл, гэмтэлтэй хүмүүсийг нарийн мэргэжлийн шинжилгээнд оруулж байгаа. Ослын газар хоёр хүн нас барсан. Уул уурхайн ажилтнууд тээвэрлэж явсан автобус том оврын автомашинтай мөргөлдсний улмаас дээрх осол гарсан байна” гэв.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 2

Сэтгэгдэл үлдээсэн: 2024-03-31 00:58:21

Б.нараа: Хичнээн харамсалтай мэдээ бэ. Хүн бүр хичээж л яваа байх үхнэ гэж явдаггүй харамсалтай юм.
Сэтгэгдэл үлдээсэн: 2024-03-30 22:50:28

А.бао чао : үхэр нүүдээ . эргүү пяздануудаа . Сонс шээснүүдээ . та нар ухаан чинь булингартсан . газ ачсан машин дээр та нар эрүүл ухаанаар хандсан сан бол өнөөдөр танай энэ 2 эргүү жолооч махан овоо босгохгүй байлаа . Та нар хариуцлагагүй жолоочнараа өмөөрөөд хөөрхий минь амьдрах л гэж гээл хичнээн уянгаллаа . тэрний оронд та нар жолооч нартаа үнэнг хэлж ойлгуулж жолооч нараа сургах байсын . та нар өөрсдийгөө өөрсдөө мөхөөж байгаа шүү

Шинэ мэдээ

Нийтлэлчид