Өмнөговь аймгаас Улаанбаатар хотын чиглэлд зорчиж явсан 38 зорчигчтой автобус ачааны машинтай мөргөлдөж, 18 хүн эмнэлэгт хүргэсэн талаар бид өмнө нь мэдээлсэн. Тэгвэл урьдчилсан байдлаар хоёр иргэн амиа алдаж, тухайн автобусанд зорчиж явсан 22 иргэн гэмтсэн байна.

  Одоогоор Гэмтэл, согог судлалын үндэсний төвөөс хоёр баг Төв аймаг руу гарч, эхний ээлжинд хүнд байгаа хүмүүсээ Улаанбаатар руу шилжүүлэхээр ажиллаж байгаа аж. Ослын улмаас таван хүн хавсарсан бэртэлтэй, хугаралтай, бусад хүний гар, хөл, нуруу хугарсан байдалтай байгааг Төв аймгийн Нэгдсэн эмнэлгийн Эмчилгээ эрхэлсэн орлогч дарга мэдээлсэн юм.