Хан-Уул дүүргийн наймдугаар хорооны нутаг дэвсгэр “Чингис хаан” олон улсын нисэх буудал хүртэлх замд 17 автомашин мөргөлдсөн осол гарсан. Ослын улмаас зургаан хүн эмнэлэгт хүргэгдсэн болохыг цагдаагийн байгууллагаас мэдэгдсэн. Тухайн үед нөхцөл байдал ямар байсан талаар ослын хохирогч Ж.Н-ээс тодрууллаа.

    Тэрбээр “Өглөө ажил руугаа явж байгаад авто замын осолд орчихлоо. Цасан шуурга ихтэй байсан учир үзэгдэх орчин хязгаарлагдмал байсан. Замын хашлага харагдах үгүйтэй байсан учир жолооч нар 10-20 км/цагийн хурдтай явж байсан. Ер нь замын хашлагаар л баримжаалж явсан гэсэн үг. Гэтэл гэнэт мөргөлдчихсөн машинуудтай тулчихсан. Халтиргаа, гулгаа ихтэй байсан учир тормос гишгээд ч нэмэргүй байсан. Өмнөх машинаа арай мөргөөгүй байтал араас мөргөчихсөн. Тэгээд Хашлага, машин хоёрын дундуур орчихсон. Машины гадна тал авах юмгүй болж, их хэмжээний хохиролтой байгаа. Цагдаа нар зам хурдан чөлөөлөхийн тулд бидэнтэй “Эргэж холбогдоно” гээд явуулсан.