Дорнод аймгийн Матад сумын тавдугаар багийн нутаг Мэнэнгийн тал, Хонгорын овоо орчимд хээрийн түймэр гарсан гэх мэдээлэл бий. Түймэр унтарсан эсэх талаар тус сумын Засаг даргын тамгын газрын даргаас тодрууллаа. Тэрбээр “Хээрийн түймэр 18:00 цагийн үед унтарсан болохыг түймэр унтраахаар явсан багийнхан мэдэгдсэн. Суманд шатахуун байхгүй байсан нь үнэн. Гэхдээ онцгой байдлынхан нөөцийн шатахуунаар түймэр унтраахаар явсан. Одоогоор манай суманд цасан шуургатай байгаа учир галын дөл бүрэн намдсан гэж ойлгож болно. Манай суманд хоёр хоногийн өмнө шатахуун ирэх ёстой байсан ч автомашин нь шаварт суусан учир одоогоор ирээгүй байна” гэв.