1962 оноос хойш гуравдугаар сарын 27-ны өдрийг дэлхийн “Театрын өдөр” болгон тэмдэглэн өнгөрүүлдэг. Монгол Улсад 1990-ээд оноос энэхүү баярыг тэмдэглэдэг болж, тухайн жилдээ туурвисан шилдэг бүтээлүүдээ үзэгч түмэндээ толилуулж үзэсгэлэн, уралдаан зохион байгуулж, уран бүтээлчид тайлангаа тавьдаг, хүн бүрийн хүсэн хүлээдэг өвөрмөц гэгээлэг баяр болсон билээ.

Ингээд олон улсын театрын баярын өдрөөр үзэх ДӨРВӨН жүжгийг танилцуулж байна

"КЛЕОПАТРА" СОНГОДОГ ДРАМЫН ЖҮЖИГ

Бернард Шоу "Цезарь Клеопатра хоёр", Уильям Шекспир "Антони Клеопатра хоёр" жүжгүүдийн зохиол "Монгол Театр"-ын анхны уран бүтээл "Клеопатра" түүхэн сэдэвт сонгодог драмын жүжиг.

Продюсер- Э.Идэрболд

Төслийн зөвлөх- Ж.Дэмбэрэлсайхан

Гүйцэтгэх продюсер- Ч.Чулуунсүх

Орчуулагч- Бернард Шоу "Цезарь Клеопатра хоёр", Н.Пүрэвдагва

Уильям Шекспир "Антони Клеопатра хоёр" Э.Нямдулам

Хаана: Улаанбаатар театр

Хэзээ: 2024 оны гуравдугаар сарын 27-31 19:00

Тасалбарын үнэ: 40000-180000 төгрөг

"1984" ПОСТДРАМЫН ЖҮЖИГ

ТОМ АХ ЧАМАЙГ ХАРЖ БАЙНА!

Энэ бол таны өмнөөс юу бодохыг чинь шийддэг нийгэм. Энд хайрлах хориотой. Эрх чөлөөтэй сэтгэж, хайрлавал та сэтгэхүйн гэмт хэрэгтэн.

Зохиолч Жорж Оруэллийн дэлхий дахиныг шуугиулсан хүчирхэг хашхираан бүхий оюун сэтгэлгээний бүтээл болох "1984" зохиолыг "Орфей" театр нь постдрамын жүжиг болгон тайзнаа тавих гэж байна. Тус жүжгийг "Фауст", "Гэм Зэм", "Опал", "Шөнө дундын бүжиг" жүжгүүдээрээ олноо танигдсан найруулагч М.Батболд найруулах юм.

Хүн төрөлхтний түүхийг хуурамчаар зохиох ажилтай Смит "хайрлах" гэмт хэрэг үйлджээ. Хайрлах нь, бодож сэтгэх нь гэмт хэрэг бол харин та сайнdva дураараа гэмт хэрэгтэн болохыг хүсэх байсан уу?

Хаана: Ulaanbaatar hotel event hall

Хэзээ: 2024 оны гуравдугаар сарын 27- оос дөрөвдүгээр сарын 5-ны 19:00 цагаас

Тасалбарын үнэ: 100000-120000

"ТОД ХУВЦАСТАЙ ЭМЭГТЭЙ" УЯНГЫН ДРАМЫН ЖҮЖИГ

Амьд хэрнээ үхсэн мэт үл анзаарагдах хүмүүс байхад

Амьдралаас явсан ч амьд мэт тод үзэгдэх хүн байх юм.

Та бидний дунд үл анзаарагдан амьдрах хэрнээ тод өнгөтэй хүмүүсийг бид мэдэх билүү?

Баяр жаргал, бузар булай, үнэн шударга, худал хуурмаг сүлэлдсэн хүний эрээнд орчлонд ХҮН- ээрээ байсан хүмүүс л тод өнгөтэй.

Хаана: МҮЭСТО

Хэзээ: 2024 оны гуравдугаар сарын 27-оос дөрөвдүгээр сарын 7-ны 19:00 цагаас

Тасалбарын үнэ: 30000-60000

"ШАДАР ГУРВАН ЦЭРЭГ" ФИЗИКЛ ДРАМ

Эрэлхэг зоригт Д'Артаньян болон хүчирхэг шадар цэргүүд болох Атос, Арамис, Портос нарын амьдрал, хайр дурлалыг тухайн үеийн нийгэм, цаг үетэй нь хослуулан гаргаж өгснөөрөө онц сонирхолтой байх болно.

Жүжгийн үйл явдал 17-р зуунд өрнөх бөгөөд гол дүр болох Д'Артаньян гэгч зальтай, овжин, эрч хүчээр дүүрэн залуу Франц улсын цэргийн албанд элсэн орж өөр шигээ хүч тэнхээ ид бяраар дүүрэн гурван шадар цэрэгтэй танилцсанаар жүжиг эхэлнэ.

Тэд хаан, хатан, хамба 3-ын зөрчил, үхэл хагацал, хайр сэтгэл, хууран мэхлэлт гээд олон сорилтуудтай нүүр тулах хэдий ч НӨХӨРЛӨЛийн үнэ цэнэ , үнэнч шударга зангаар тэр бүгдийг даван туулж сэтгэл татам адал явдлаар аялуулах болно.

Хаана: РЦНК

Хэзээ: 2024 оны гуравдугаар сарын 27-31 20:00 цагаас

Тасалбарын үнэ:  20000-80000