Замын-Үүдийн боомтоор их хэмжээний юань орж ирсэн гэх зураг, бичлэг олон нийтийн сүлжээгээр цацагдсан билээ. Энэ талаар ЦЕГ-ын Хэвлэл мэдээллийн төвийн дарга, хурандаа Б.Батзоригоос тодрууллаа. Тэрбээр “Одоогийн байдлаар улсын хилээр их хэмжээний мөнгө орсон ирсэн гэх дуудлага, мэдээлэл холбогдох байгууллагуудад бүртгэгдээгүй байна. Харин олон нийтийн сүлжээнд нэгэн иргэн “Сонгуулийн мөнгө орж ирлээ” гэх утга бүхий тайлбар бичиж, зураг, бичлэг нийтэлсэн байна. Тухайн иргэнийг ямари зорилгоор тус зураг, бичлэгийг нийтэлсэн, мөнгөн тэмдэгт нь хуурамч эсэх зэрэг асуудлыг шалгаж байгаа” гэв.