Монгол хүн сансарт ниссэний 43 жилийн ой тохиож байна

Б. Хонгорзул:
Монголчуудын амьдрал- Мэдээ мэдээлэл

2024-03-22, 200

1981 оны энэ өдөр Монгол хүн сансарт нисэж байжээ. Монгол Улсын иргэн, сансрын нисэгч Ж.Гүррагчаа, ЗХУ-ын сансрын нисэгч В.А Жанибековын хамтаар 1981 оны гуравдугаар сарын 22-ны өдрийн 14:58 цагт хуучнаар ЗХУ-ын Байконуур дахь сансрын хөлөг хөөргөх талбайгаас “Союз-39” хөлгөөр хөөрч байлаа.

Тэд долоо хоног, 20 цаг 42 минутыг өнгөрүүлж, дэлхийг 124 удаа тойрч, “Союз-39” 1981 оны гуравдугаар сарын 30-ны өдөр эх дэлхийдээ амжилттай газардсан байдаг.

Сансрын нисгэгч Ж.Гүррагчаа 1947 онд Булган аймгийн Гурванбулаг суманд төрж өссөн. 1966 онд цэргийн албанд татагдаж, 1971 онд ЗХУ-ын Фрунзе хотын нисэхийн дамжаанд суралцсан бөгөөд 1973 онд Москва хотод Жуковскийн нэрэмжит Агаарын цэргийн академид суралцан төгсжээ. Тэрбээр сансарт ниссэн Монголоос анхны, Ази тивийн хоёр дахь, дэлхийн 101 дэх хүн хэмээн сансар судлалын түүхэнд бичигдсэн. Түүнийг Монгол хүн сансарт ниссэн 40 жилийн ойн баярын өдөр Монгол Улсын төрийн дээд шагнал болох Чингис хаан одонгоор шагнасан билээ.

Мөн 2000 - 2004 онд Батлан хамгаалахын сайдаар ажиллаж байгаад 2004 онд УИХ-ын сонгуулийн 59-р тойрогт нэр дэвшин өрсөлдөж сонгогдоод УИХ-ын гишүүнээр ажиллаж байв.

Монгол хүн сансарт ниссэний 43 жилийн ой тохиож байна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2024-03-24 06:02:37

Зочин: Тэр үед Эрхүүд оюутан байлаа.Манай орос өвгөн багш монгол оюутнуудыг босгож баяр хүргээд, монголын ард түмэн дэлхийн 2-р дайны үед бидэнд туслаж байсныг бид мартаагүй гэж хэлж байж билээ.
Сэтгэгдэл үлдээсэн: 2024-03-22 18:40:19

asdasd: lalriin gurragch ******** u
Сэтгэгдэл үлдээсэн: 2024-03-22 15:11:41

батүүл: Сансрын нисгэгч ахаа сайн яваад ирэв үү..саран наран 2 той саатан улзаад ирэв үү...гэл дуулдаг байж билээ...Соц үед Монгол хүн сансарт нисч явсан... одоо үед иргэн нь траншейнд орчихсон, улныханаараа дуудуулан явах ч гэж дээ:::

Шинэ мэдээ

Нийтлэлчид