УИХ-ын 2022 оны зургадугаар сарын 1-ний чуулганаар Хүний эрхийн үндэсний комиссын Эрүү шүүлтээс урьдчилан сэргийлэх асуудал эрхэлсэн гишүүнийг томилсноор, тус үндэсний ажиллагаа эхэлж, өнөөдрөөс мэдээлэл өгөх албан ёсны өдөртэй болж байгаа юм байна. Эхний мэдээллээр Сэтгэцийн эрүүл мэндийн үндэсний төвд хийсэн шалгалтын мэдээллийг хүргэлээ.

                Энэ үеэр Эрүү шүүлтээс урьдчилан сэргийлэх асуудал эрхэлсэн гишүүн Я.Цэлмэн “Сэтгэцийн эрүүл мэндийн үндэсний төвийн клиникийн тасаг дээр 2022 оны наймдугаар сард хяналт шалгалт хийсэн. Өнгөрсөн оны арваннэгдүгээр сард мөн тус төвийн нийт алба хаагч, үйлчлүүлэгчдийн хүний эрхийн асуудалд хяналт шинжилгээ хийж багаараа ажилласан. Тодорхой асуудлууд гарсан” гэлээ.

          Харин эдгээр асуудлын талаар Эрүү шүүлтээс урьдчилан сэргийлэх хэлтсээс "Хяналт шинжилгээгээр Сэтгэцийн эрүүл мэндийн төвийн эмч, ажилтнуудын Монгол Улсын Үндсэн хууль, бусад хууль, олон улсын гэрээ конвенцоор баталгаажсан эрүүл шүүлт болон хүнлэг бус харилцаа, ялгаварлан гадуурхалтаас ангид байх, хөдөлмөрийн шударга, таатай нөхцлөөр хангагдах хүний эрх болон бусад эрх ноцтой зөрчигдөж байж болзошгүй нөхцөл байдал тогтоогдсон” гэв.