“Монгол цэргийн өдөр” орчин цагийн Зэвсэгт хүчин үүсэн байгуулагдсаны 103 жилийн ойг тохиолдуулан төрийн дээд цол, одон, медаль гардууллаа. Энэ үеэр "Шинжлэх ухааны гавьяат зүтгэлтэн" цол хүртсэн Батлан хамгаалахын эрдэм шинжилгээний хүрээлэнгийн доктор Х.Шагдар сэтгэгдлээ хуваалцлаа.

           Тэрбээр “Би Зэвсэгт хүчинд 18 настайгаасаа эхлээд ажиллаа. Өнөөдөр би 73 настай, сүүлийн 30 жилд Батлан хамгаалахын эрдэм шинжилгээний хүрээлэнд ажиллаа. Энэ хугацаанд 30 гаруй нэг сэдэвт бүтээлд, мөн 30 гаруй  хамтын бүтээлд оролцож, хэвлүүлсэн. Миний хөдөлмөрийг төр үнэлж өндөр шагнал олгосонд баярлаж байна. Энэ шагналыг надаар дамжуулан манай Батлан хамгаалахын Эрдэм шинжилгээний хүрээлэнд олгож байна гэж бодлоо. Хамт олон дээрээ хурдан очихыг хүсэж байна. Туурга тусгаар ард түмэн цэрэгтэй байх ёстой. Цэрэг гэдэг зөвхөн буу үүрсэн хүмүүс биш. Эх орныхоо бүтээн байгуулалт, дэлхий дахинд энхийг дэмжих ажиллагаанд илүү идэвхтэй оролцох хэрэгтэй. Энэ бол манай эх орны тусгаар тогтнолын баталгаа” гэв.