Өнөөдөр олон улсын эмэгтэйчүүдийн эрхийг хамгаалах өдөр тохиож байна.  Монгол Улс 1955 оны гуравдугаар сарын 8-наас  хойш эмэгтэйчүүдийн эрхийг хамгаалах өдрийг тэмдэглэж эхэлжээ. Энэ өдрийг бүх нийтийн амралтын өдөр болгон тэмдэглэн өнгөрүүлдэг. Энэ өдрийн гол утга учир нь эмэгтэйчүүдийн эрх тэгш байдлын төлөө шийдвэрүүдийг гаргахад оршдог.

         Нийт 80 гаруй улс олон улсын эмэгтэйчүүдийн эрхийг хамгаалах  өдрийг тэмдэглэн өнгөрүүлдэг байна. Эмэгтэйчүүдийн баяртай холбоотой зарим сонирхолтой баримтуудыг танд хүргэж байна.

2024 оны гуравдугаар 8-ны өдрийн байдлаар Монгол Улсад Март нэртэй 1004, Найман нэртэй долоо, Найм нэртэй дөрөв, Эмэгтэй нэртэй нэг, Охин нэртэй 40, Бүсгүй нэртэй нэг, Марч/March/ нэртэй нэг, Хатан нэртэй 17, Гүнж нэртэй 220, Эхнэр нэртэй хоёр хүн байдаг ажээ.

• 1910 онд Германы идэвхтэн Клара Цеткин Копенгаген хотод болсон хөдөлмөрч эмэгтэйчүүдийн олон улсын бага хуралд эмэгтэйчүүдийг хүндэтгэх олон улсын баярыг бий болгохыг санал болгосон.
• Эмэгтэйчүүдийн эрхийг хамгаалах өдрийг  дэлхийн олон улсад гуравдугаар  сард тэмдэглэдэг бол Канад Улс энэ өдрийг аравдугаар сард тэмдэглэдэг.
• Нил ягаан, ногоон, цагаан өнгө нь олон улсын эмэгтэйчүүдийн эрхийг хамгаалах өдрийн өнгө юм.