Улсын хэмжээнд өнгөрсөн долоо хоногт  буюу 2024 оны хоёрдугаар сарын 26-03 дугаар сарын 3-ны хооронд нийслэлийн найман дүүрэг, 19 аймгийн 40 суманд аюулт үзэгдэл, ослын  97 удаагийн дуудлага бүртгэгдлээ.
Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 15 иргэний амь насыг авран хамгаалсан.

       Харин гамшиг, аюулт үзэгдлийн улмаас дөрвөн хүн нас барж, нэг хүн гэмтэж бэртсэн байна. Нийт дуудлагын 53 нь гал түймэр, 30 нь хүний үйл ажиллагаатай холбоотой осол,  найман нь ус, цаг уурын гаралтай аюулт үзэгдэл, дөрвөн нь геологийн гаралтай аюулт үзэгдэл, хоёр нь биологийн гаралтай аюулт үзэгдэл байна.