Баянхонгор аймгийн тавдугаар багийн 13 дугаар цэцэрлэгийн уурын зуух дэлбэрч, нэг иргэн амиа алдсан гэх мэдээлэл бий. Хэргийн талаар тус аймгийн Онцгой байдлыг газрын мэргэжилтнээс тодруулахад “ Өнөөдөр 16:03 цагт цэцэрлэгийн уурын зуух дэлбэрсэн гэх мэдээлэл ирсэн. Онцгой байдлын алба хаагчид дуудлагын дагуу яаралтай ажилласан. Ослын улмаас уурын зуухны галч амиа алдсан. Цэцэрлэгийн хүүхдүүдийн биеийн байдал хэвийн байгаа. Өөр мэдээлэл өгөх боломжгүй байна. Хэргийн газрыг цагдаагийн газарт хүлээлгэн өгсөн” гэв.