Боловсролын зээлийн сангийн эрх бүхий  албан тушаалтнууд албан тушаалаа урвуулан ашиглаж, бусдад тэтгэлэг олгосон гэх мэдээлэл гарсан. Энэ талаарх шалгалтын ажиллагаа хэрхэн үргэлжилж байгаа тлаар Авлигатай тэмцэх газрын прокурор Ц.Гансүлд мэдээлэл өгсөн. Тэрбээр “Уг тэтгэлгээр гадаадын их, дээд сургуульд бакалавр, магистр, докторын зэрэгт хамрагдсан 3069 сурагч байна. Боловсролын зээлийн сан нийт 230 тэрбум төгрөгийн тэтгэлэг олгосон.  Эдгээр сурагчдын  220 нь 1.2 сая ам. доллар буюу 4.2 тэрбум төгрөгийг  нөхөн төлөөд байгаа бол 941 сурагчийн 47.1 тэрбум төгрөгийг чөлөөлсөн байна. Энэ зээлийг чөлөөлөх  үндэслэл нь хуульд заасны дагуу явагдсан эсэх асуудлын талаар шалгаж байгаа. Тухайн тэтгэлгийг хууль бусаар авсан сурагч нараас төлбөрийг нөхөн төлүүлэхээр мөрдөн шалгах ажиллагаа явуулж байна. Мөн Зээлийн гэрээнд заасны дагуу шаардлага биелүүлээгүй, төлбөрөө төлөөгүй гэх сурагчид байгаа тул олж илрүүлэн, суралцсан эсэх асуудлыг шалгаж байгаа” гэв.

    2023 онд Авилгатай тэмцэх газар, Эрүүгийн албаны хамтарсан Ажлын хэсэг байгуулагдсан аж.

Б.ХОНГОРЗУЛ