Баянзүрх дүүргийн 26 дугаар хороонд байрлах “Дүнжингарав” худалдааны төвийн уулзварт нэгдүгээр сарын 24-ны 01:06 цагт 60 тоннын газ ачсан автомашин суудлын машинтай мөргөлдөж, их хэмжээний дэлбэрэлт болсон. Ослын улмаас олон хүн амиа алдаж, эд хөрөнгөөрөө хохирсон. Тус хэргийн шалгалтын ажиллагаа хэрхэн үргэлжилж байгаа талаар ЦЕГ-ын Хэвлэл мэдээллийн төвийн дарга, хурандаа Б.Батзоригоос тодрууллаа.

     Тэрбээр “Дүнжингарав”-т болсон ослын мөрдөн шалгах ажиллагаа үргэлжилж байгаа. Прокурорын зөвшөөрөлгүйгээр олон нийтэд мэдээлэл өгөх боломжгүй байгаа. Осол өргөн хүрээг хамарсан учир шалгалтын ажиллагаа дуусаагүй байна. “Бөмбөгөр” худалдааны төв, Улсын их дэлгүүр шатахад ажиллаж байсан туршлага дээрээ үндэслэн шалгалтын багийнхан ажиллаж байгаа” гэв.