Өвөлжилт, хаваржилтын нөхцөл байдал хүндэрч, Монгол Улсын Засгийн газраас улсын хэмжээнд өндөржүүлсэн бэлэн байдлын зэрэгт шилжсэнтэй холбогдуулан хэрэгжүүлж байгаа арга хэмжээ, явц, үр дүнгийн талаар Улсын онцгой комиссоос мэдээлэл  өглөө. Энэ үеэр УОК-ын Нарийн бичгийн дарга, хурандаа Т.Баярхүү “Цаг уур, орчны шинжилгээний газраас  хаваржилтын нөхцөл байдалд үнэлгээ хийхэд, 13 аймгийн 53 сум төмөр зудтай, 17 аймгийн 109 сум цагаан зудтай, 18 аймгийн 69 суманд цагаан зудархуу нөхцөл байдал гарсан байна. 21 аймгийн 266 сум, нийслэлийн хоёр тойрогт өвөлжилт хүндэржээ.  Өнөөдрийн байдлаар малын хоргодол хоёр сая 136 мянга 563 болж, өнгөрсөн оны мөн үетэй харьцуулахад 85.9 хувиар өссөн байна. 11 аймгийн 46 суманд гурваас дээш  бүлтэй 1408 өрхийн гэр, өвөлжөө цасанд дарагдсан байна. Тиймээс шар усны  үерээс урьдчилан сэргийлэх, цас цэвэрлэх шаардлагатай хүн хүчийг нэмж ажиллаж байна. Долоон бүлэг, хөдөө, орон нутагт үүрэг гүйцэтгэн ажиллаа. Малчдад цугларсан хандив, тусламжуудыг нэн шаардлагатай айл өрхүүдэд хүргүүлэх ажлыг шуурхай зохион байгуулж байна. Маргааш ээлжит Засгийн газрын хуралдаантай. Холбогдох тооцоо судалгаа, санал дүгнэлтийг боловсруулж хуралдаанаар оруулж шийдвэрлүүлнэ” гэв.

Б.Хонгорзул