Шадар сайд С.Амарсайхан болон ОБЕГ, ЦУОШГ-аас хаваржилтын нөхцөл байдлын талаар мэдээлэл хийж байна. Энэ үеэр ЦУОШГ-ын дарга Л.Оюунжаргал цаг агаарын нөхцөл байдлын талаар мэдээлэл өглөө.

     Тэрбээр “Хоёрдугаар сарын 10-ны байдлаар нийт нутгийн 80 орчим хувь нь цасан бүрхүүлтэй байна. Зүүн гурван аймгийн нутгаар цасан бүрхүүлийн зузаан 10-39 см, цасан хунгарлаж, шуурсан хэсгээр цасны зузаан 60-100 см байна. Судалгаагаар 23 суманд төмөр буюу шилэн зуд, 90 суманд цагаан зуд, 84 аймагт зудархуу нөхцөл байдалтай байна. Уур амьсгалын өөрчлөлтөөс болж зуд үүссэн. Арваннэгдүгээр сараас хойш орсон хур тунадасны хэмжээ 9.6 мм буюу олон жилийн дунджаас 1.6 мм дахин их  байна. Сүүлийн 50 жил ажиглагдаагүй их цас орсон байна. Энэ сарын 25-нд алтай уулархаг нутгаар цас орно, энэ цас 26,27 бүх нутгийг хамарна. Зарим нутгаар хүчний эрч чангарна” гэв.