• Өнөөдөр 2022-11-28

Д.ДОРЖГОТОВ: Миний олон жил зүтгэсэн салбарыг хүндэлж, "Чингис хаан" одонгоор шагнаж байна

     Эзэн богд Чингис хааны төрсөн өдөр өнөөдөр тохиож байна. Энэ өдөр төр, нийгэм, үндэстний өмнө онцгой гавьяа байгуулсан иргэнийг  Төрийн дээд шагнал, тэргүүн зэргийн “Чингис хаан” одонгоор шагнадаг уламжлалтай билээ. Өнөөдөр Чингис хаан одонгоор энгэрээ мялааж буй ШУА-ийн Газар зүйн хүрээлэнгийн тэргүүлэх ажилтан, академич, доктор, профессор Дэчингунгаагийн Доржготов одонгоо хүртэхээсээ өмнө баярын сэтгэгдлээ хуваалцлаа.

     Тэрбээр “Төрийн өндөр дээд шагнал хүртэх мэдээг сонсоод баярлаж байна. Миний олон жил зүтгэсэн салбарыг хүндэлж Чингис хаан одонг гардуулж байгаа гэж ойлгож байгаа. Аль нэг улс орны байгаль орчин, иргэдийн оршин тогтнох хамгийн гол суурь нь газрын хөрс байдаг. Хөрсгүйгээр амьдрал оршин тогтнох боломжгүй, тиймээс хөрсний  үржил шимийг тогтоох, хайрлан хамгаалах нь бидний үүрэг. Би судалгааны ажлаараа их бахархдаг. Өнөөдрийг хүртэл Монгол Улсын тал хээрийн хөрсний үржил шимийг хадгалж ирсэн нь нүүдэлчид, малчдын үр дүн гавьяа юм. Газраа бага хагалж, байгальтайгаа зөв харьцсан. Би 60 жил хөрсний судалгаа хийж байна” гэв.

 


Д.ДОРЖГОТОВ: Миний олон жил зүтгэсэн салбарыг хүндэлж, "Чингис хаан" одонгоор шагнаж байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188