Хоёр хүүхэд мориноос унаж, эмнэлэгт ухаангүй хүргэгджээ. Тодруулбал, энэ сарын 28-ны өдөр Сүхбаатар аймгийн Асгат сумын Жаргалант багт хурдан морь тарлаж байгаад мориноос унаж, гэмтжээ. Улмаар хүүг Асгат сумын эмнэлэгт хүргэсэн байна. Мөн тус өдөр Төв аймгийн Аргалант суманд хурдан морины үсэргээний үеэр есөн настай унаач хүү унаж гэмтэн, Гэмтэл, согог судлалын үндэсний төвд хүргэгдэн, эмчлүүлж байгаа аж. Эмнэлэгт хүргэгдсэн тус хоёр хүү одоогоор ухаангүй байгаа юм байна.