Монгол түмний их баяр наадмыг хуушуургүйгээр төсөөлөхийн аргагүй. Төв цэнгэлдэх хүрээлэнд зочлох гол зорилгуудын нь нэг наадмын хуушуур идэх билээ. Тэгвэл гэртээ өөрсдийн гараар хийж болох амттай хуушуур хийх таван жорыг хүргэж байна.

Наадмын дугуй хуушуур

     Хүн бүрийн дуртай ч тэр бүр хийж чаддаггүй дугуй хуушуур хийхэд гурилдаа ихэд анхаарах хэрэгтэй байдаг ажээ. Тэгвэл дугуй хуушуур хийх хамгийн амархан жорыг хүргэж байна.

Орц:  500 гр гурил
     300 гр татсан үхрийн мах
     300 мл бүлээн ус
     ½ Тал сонгино
     Давс, перец амталгаагаар
Бүх орцуудаа бэлтгэж тавина. Махандаа жижиглэж хэрчсэн сонгиноо хийж, давс, перецээ нэмж сайтар базна. Махандаа ус хийх хэрэггүй. Амталсан махаа таглаад амраана. Гурилаа бүлээн усаар зуурна. Гурилаа уутанд хийгээд нэг цаг амраана. Уутанд хийхээр илүү хурдан эвлэж зөөлөн болно. Нэг цагийн дараа гурилаа сайтар нухаад тасална. Тасалсан гурилаа хуруугаараа дарж бага зэрэг нимгэлнэ.  Махаа хийж чимхэнэ. Махаа их хийвэл бүлтэрч гарч ирэх гээд байдаг тул тааруулж хийгээрэй. Чимхсэн хэсгийг доош нь харуулж бага зэргийн наранцэцэг тос түрхэж гараараа зөөлөн дарж өгнө. Ингэснээр элдэхэд овойгоод байхгүй, илүү хялбар болно. Элдэхдээ болгоомжтой, зөөлөн дарна. Мах нь гэрэлтээд ирвэл эргүүлээд зузаан байгаа хэсгээр нь элдээрэй. Тосоо сайтар халсны дараа хуушуураа шарна.

Бяслагтай хуушуур

Орц: 250 мл хийжүүлсэн ус
1 х.х, ургамлын тос
 1 х.х, архи 700 г
 Гурил 45г
 Тараг,
Нэг өндөг, давс
     Хийх арга: Гурил дээрээ өндгөө холиод дээрээс нь ургамлын тос, давсаа хийнэ. Сайтар хутгаж зуураарай. Зуурмаг жигд, зөөлөн байх ёстой. Зуурсан гурил гарт наалдаад байвал тос түрхэж болно. Гурилаа хөргөгчид хагас цаг орчим амраана. Хатуу бяслагаа үрж жижиглэнэ. Хэд хэдэн төрлийн бяслаг хольж болох юм, мөн ногоон навчит ногоогоор амтлаарай. Хөргөгчөөс гурилаа гаргаж ирээд хэрчихэд бэлдэж урт гонзгой хэлбэрт оруулна. Дунд зэргийн бөмбөлөг болгон жигд хэмжээтэй хэрчээд элдэнэ. Хагас сантиметр орчим зузаан байхаар элдэнэ. Хуушуурын бяслагаа хийнэ.Хуушуурын гурилын амсрыг нийлүүлээд салахааргүй чимхээрэй. Гурилын амсрыг гоё, жигд харагдуулахын тулд чимхсэн хуушуур дээрээ таваг хөмөрч тавиад захыг нь хутгаар өөлж авч болно.

Төмстэй хуушуур

Орц: -Төмс 350 гр
 -Өндөг 1 ш
 -Гурил 500 гр
 -Байцаа 60 гр
 -Бөөрөнхий сонгино 10 гр, цөцгийн тос, давс, амтлагч

     Хийх арга: Цэвэрлэж угаасан төмсөө чанаж болгосны дараа халуунаар нь махны машинд хийж татна. Татаж нухсан төмс дээрээ түүхий өндөг, давс, амтлагч, цөцгийн тос нэмж сайтар хутгаж холино. Байцаагаа жижиглэн хэрчиж, хуурч давсална. Дээр нь сонгино түүхий өндөг нэмж хутгана.

Байцаа, бууцайтай амтат хуушуур

    Цагаан хоолтон болон эрүүл, шингэц сайтай, амин дэмтэй хооллолтыг эрхэмлэдэг хүн бүр хийж идэхэд хамгийн тохиромжтой хуушуурын жорыг хүргэж байна.

 Хүнсний ногоонуудыг угааж арчаад, хальсална. Мөн аль болох урт нарийн хэрчиж бэлтгэнэ. Хайруулын тавганд ургамлын тосыг хийж халаасны дараа жижиглэн хэрчсэн саримс, сонгиныг хийж нэг минут орчим хуурна. Дараа нь жижиглэн хэрчсэн лууванг хийж зөөлөртөл нь 3-4 минут хуураарай. Ингээд хэрчсэн мөөг болон бууцайг хийж үргэлжлүүлэн 2-3 минут хуурна. Ингээд давс, хар перц, сой соус, кетчуп /хэрвээ хүсвэл терияки соус хийж болно./ хийж зөөлөн гал дээр сайтар хутгаж холино. Үүний дараа хэрчсэн байцааг хийж 3-5 минут хуураад галаас гаргаж хөргөнө. Хуушуурын гурилыг зуурч, нухаж элдээд нимгэн хавтгай бөөрөнхий хэрчинэ. Ингээд  амталж шарсан ногооноос тааруулан тастаж хийгээд чимхэнэ. Эсвэл сэрээний үзүүр ашиглан гурилын захыг дарж наалдуулан чимхээрэй.

Залхуу хуушуур

Уламжлалт аргаар хийсэн хуушуур идмээргүй санагдсан үедээ туршиж үзэх сонирхолтой давхар залхуу хуушуур хийх арга.