Улсын математикийн олимпиадын алт, хүрэл медальт Д.Чулуунхүү багшийн нэрэмжит "Сайн гараа" аймгийн математикийн олимпиадад 76 багш, 1-5 дугаар ангийн 130 сурагч оролцлоо. Уралдаанд багш нараас Арвайхээр сумын ЕБ-ын 1-р сургуулийн багш Э.Түмэнцэцэг, нэгдүгээр ангийн сурагчдаас лаборатори Мэргэд сургуулийн сурагч Н.Мөнхбилэг, хоёрдугаар ангийн сурагчдаас лаборатори Мэргэд сургуулийн сурагч М.Амин-Эрдэнэ, гуравдугаар ангийн сурагчдаас Хархорин сумын ЕБ-ын Гүнзгий сургуулийн сурагч Н.Чингүүн, дөрөвдүгээр ангийн сурагчдаас Хайрхандулаан сумын ЕБ-ын сургуулийн сурагч П.Баясгалан, тавдугаар ангийн сурагчдаас Арвайхээр сумын ЕБ-ын 1-р сургуулийн сурагч О.Сумьяабазар нар тус тус тэргүүлж, бусдыгаа манлайллаа. Математикийн олимпиадыг Д.Чулуунхүү агсны анхны шавь нар болон ар гэрийнхний санаачилгаар аймгийн БШУГ, Мэргэд сургуулиас хамтран зохион байгуулжээ.