Дэлхий дээр бидний өдөр дутам хэрэглэдэг зүйлсийн маш үнэтэй хувилбарууд нь байдаг шүү дээ. Тэгвэл дэлхийн хамгийн үнэтэй арван цайны гүцийг танилцуулж байна.

10.No Stamp Act Teapot — 〈 54,012 ам.доллар 〉

Жосиа Вэджвудын гараар урласан 1765 онд үйлдвэрлэсэн энэхүү цайны гүц нь колончлолын эсэргүүцлийн бичээстэй бөгөөд хувьсгалын үеийн Америкийн сэтгэл санааны бэлгэдэл гэж үздэг.

9.Theodore Wende’s Important and Unique Tea Set — 〈 181,000 ам.доллар〉

Теодор Вендэгийн өвөрмөц загвартай уг цайны иж бүрдэл нь 1927 он бүтээгджээ. Уг иж бүрдэлд Герман Улсын тамгатай мөнгө, зааны соёогоор хийсэн цайны аяга, цөцгий, чихрийн аяга, тавиур зэрэг багтдаг. 2007 онд Sotheby's дуудлага худалдаагаар нэрээ нууцалсан хүн 181,000 доллароор худалдаж авчээ.

8.Carved Ruby dragon tea set — 〈 219,600 ам.доллар 〉

Өөгүй урлагийн бүтээл хэмээн тодорхойлогддог уг цайны иж бүрдэл нь зураач Луис Альберто Куиспе Апарисиогийн бүтээл юм. Бадмаараг чулуун сийлбэр бөгөөд 18К алтаар өнгөлсөн бөгөөд  16 ширхэгтэй юм. Тус иж бүрдлийг 2016 оны гуравдугаар сард дуудлага худалдаагаар I.M.Chait 219,600 ам.доллароор зарж байжээ.

7.Chinese silver-gilt tea service — 〈  275,000  ам.доллар 〉

Нидерландын хатан хаан Жулианагийн хэрэглэж байсан 18-19 дүгээр зууны үеийн Хятадын мөнгөн цайны иж бүрдэл 275,000 ам.доллароор 2011 онд Амстердамд болсон Sotheby's дуудлага худалдаагаар худалдаалагдаж байжээ.

6.The Half-Figure Service Meissen porcelain tea set — 〈  850,000 ам.доллар 〉

Meissen шаазан эдлэлийн дэлхийн хамгийн шилдэг цуглуулгуудын нэг гэгддэг “Half Figure Service” нь 1723 онд үйлдвэрлэгдсэн найман ширхэг цайны иж бүрдэл юм. Энэхүү багцыг гаднах чимэглэл нь илүү өвөрмөц болгодог байна.

5.A rare pair – Famille Rose Coral-Ground Teapots — 〈  1.26 сая ам.доллар 〉

Хятад Улсын 1736-1795 оны хооронд хаанчилж байсан эзэн хаанд хамаарах энэхүү цайны хос нь өвөрмөц хэлбэр, чимэглэлтэй, хавтгай зууван хэлбэртэй бөгөөд дэлхийн цорын ганц хоёр хос юм. Кристигийн дуудлага худалдааны үеэр Хонг-Конгоос хувийн цуглуулагч 1.26 сая ам.доллароор худалдаж авчээ.

4.Yixing Stoneware Teapot by Gu Jingzhou — 〈  1.32 сая ам.доллар 〉

Энэхүү цилиндр хэлбэртэй чулуун аяга нь улаан хүрэн өнгөтэй хоёр хос бөгөөд тус бүрийн үнэ нь 1.32 сая ам.доллар юм. Хятад Улсын ваарчин, гар урлаач Гу Жинжоугийн хийсэн бүтээл ажээ.

3.1948 Yixing Zisha teapot — 〈  хоёр сая ам.доллар 〉

У Хуфаны каллиграфийн сийлбэрээр урлаач Гу Жинжоугийн хийсэн энэхүү шавар цайны гүц нь 1948 онд хийгджээ. Бээжинд 2010 оны тавдугаар сард болсон China Guardian дуудлага худалдаагаар хоёр сая доллароор үнэлэгджээ.

2.Pair of Famille Rose Melon Teapots — 〈  2.18 сая ам.доллар 〉

Шотландын нэгэн гэр бүл дуудлага худалдаанд оруулсан  хос цайны гүц тооцоолсноос нь зургаа дахин өндөр үнээр зарагджээ. 18 дугаар зууны энэ хос цайны гүц вааран эдлэлийн дуудлага худалдааны өмнөх бүх дээд амжилтын эвдэжээ.

1.“The Egoist” — 〈 $ Гурван сая ам.доллар 〉

Гиннесийн амжилтын номд албан ёсоор орсон“Эгоист” нь дэлхийн хамгийн үнэ цэнтэй цайны гүц бөгөөд гурван сая ам.долларын үнэтэй юм.. Их Британийн тэрбумтан Нирмал Сетиагийн зохион бүтээж, Миланы үнэт эдлэлийн Скавиагийн урласан уг цайны гүц нь 1658 D ба Е өнгийн алмаз, 386 бадмаараг, төв нь 6.67 каратын Тайланд бадмаараг чулуугаар чимэглэгджээ.