Үнийн өсөлтийг эсэргүүцсэн залуус хоёр дахь өдрөө Сүхбаатар талбайд жагсаж, өнөөдөр Ерөнхий сайд Л.Оюун-Эрдэнэтэй уулзсан. Ерөнхий сайд жагсагчдын зүгээс тавьж байгаа шаардлагуудыг хүлээн авч, Засгийн газрыг яаралтай горимд ээлжит бусаар хуралдуулсан.

                       Тэгвэл сая Ерөнхий сайд Л.Оюун-Эрдэнэ Засгийн газрын ээлжит бус хуралдаанаас гарсан шийдвэрийн талаар танилцууллаа. Засгийн газрын ээлжит бус хурлаар үнийн өсөлттэй холбоотой хуулийн төслийг долоо хоногийн дотор эцэслэн батлахаар болж, нийгмийн даатгалын шимтгэл, НӨАТ-ын сугалааг олгохгүй байх асуудлыг УИХ-тай хамтран хэлэлцэхээр болсон. Улмаар мэдэгдлийн төгсгөлд Ерөнхий сайд Л.Оюун-Эрдэнэ жагсагчдад хандан “Тайвнаар эвлэлдэн нэгдсэн шигээ жагсаалаа тайвнаар тараахыг хүсье” гэсэн юм. Харин Засгийн газрын хуралдаанаас нийгмийн даатгалын шимтгэл, НӨАТ-ын сугалааг олгохгүй байх асуудлыг УИХ-тай хамтран хэлэлцэхээр болсон талаарх шийдвэрийг “Долоон хоног хүлээж чадахгүй” гээд “УИХ-ыг яаралтай хуралдуулах” шаардлага тавьж, жагсаалаа үргэлжлүүлж байна.