Төв талбай дээр болсон “Ажлаа хий” жагсаалын үеэр баригдаж саатуулагдсан залуусын төлөөлөл иргэн Ц мэдээлэл өглөө. Тэрбээр “Central Tower" -ийн ойролцоо цагдаа нар хашсаар байгаад хэдхэн хүн үлдсэн. Тэгж байхад спортын машинаас цагдаа нар гурав, дөрвөөрөө хүмүүсийг нохой хөөж яваа юм шиг, хүүхэд, эмэгтэйчүүдийг чирээд явж байсан. Тэгээд би “Та нар, болил доо, ичээч” гэхэд намайг дугуйнаас жийж унагаагаад, толгой руу доошоо дараад, гар өчсөн. Хүмүүс бол зөндөө зодуулсан байна лээ. Би азаар зодуулаагүй, намайг үг дуугүй л гавлаад явсан. Тэгээд  Дэнжийн мянгын эрүүлжүүлэхэд авчирсан. Эрүүлжүүлэхийн байран очоод гадаа нь хоёр цаг хүлээсэн. Бидэнтэй хамт эмэгтэй хүн, 13 настай хүүхэд зэрэг 60 гаруй залуус саатуулагдсан. Саатуулах байранд бол хоол өгөх нь битгий гэл бие засахад ч хүнд байсан” гэв.