Сүхбаатарын талбай дээр жагсагчид хоёр дахь өдрөө “Ажлаа хий” жагсаалыг үргэлжлүүлж байна. Жагсагч  оюутан залуус өнгөрсөн шөнө 4:00 цаг хүртэл жагссан бөгөөд цагдаагийн байгууллагаас зарим залуусыг баривчилсан. Тэдгээр залуус одоо  Сүхбаатар дүүргийн цагдаагийн нэгдүгээр хэлтэст байцаалт өгч байна. Залуус бараа бүтээгдэхүүний үнийн хөөрөгдлийн эсрэг жагсаж байгаа бөгөөд Төрийн гурван өндөрлөгийг ажлаа хийхийг шаардаж байна. Мөн тэд хоёр дахь өдрийнхөө жагсаалын үеэр жагсаалд оролцож байсан залуусыг суллахыг шаардлаа. Залуусын жагсаалд мөн иргэд хүч түрэн нэмэгдэж байна.