Сүхбаатарын талбайд өчигдөр 10:00 цагаас эхлэн оюутан, залуус үнийн хөөрөгдлийг эсэргүүцэн “Ажлаа хий” нэртэй жасаал зохион байгуулсан. Мянган мянган залуус төр засаг ажлаа хийхгүй байгаагаас үүдэн иргэдийн амьдрал ядуурч байгаа. Өргөн хэрэглээний бараа бүтээгдэхүүний үнэ  тэнгэрт тултал өсөж байгааг эсэргүүцсэн юм. Өглөөнөөс эхэлсэн тайван  жагсаалд 19:00 цагийн орчимд олон зуун залуус ирсэн юм. Тэд  төрийн ордныг тойрч  Ерөнхий сайд Л.Оюун-Эрдэнийг  ирж уулзахыг шаардсан.  Залуус шөнөжин жагсаж  төрийн гурван өндөрлөг байрлаж буй Их тэнгэрийн аманд хүртэл очсон юм. Жагсаалыг цагдаа нар үүрийн 04:00 цагийн үед хүчээр тараасан байна. Жагсаалын үер  цагдаа нар бэртэж гэмтэж  хөл, гар нь хугарсан гэх мэдээллийг олон нийтэд өгөөд байгаа юм. Жагсаалын үеэр  олон залуусыг цагдан хорьж эрүүлжүүлэх байранд саатуулаад байгаа. Тэгвэл яг одоо Сүхбаатар дүүргийн цагдаагийн нэгдүгээр хэлтэст жагсаалд оролцсон  залуусаас байцаалт авч байна.  Мөн баригдсан залуусын ар гэрийнхэн ч цагдаагийн үүдэн дээр олуулаа зогсож байна.