Сүхбаатарын талбайд өчигдөр залуус “Ажлаа хий” жагсаалын зохион байгуулсан билээ. Жагсаал хийж байсан иргэд болон цагдаагийн байгуулга хооронд мөргөлдөөн гарч иргэдийн барьсан талаар мэдээлэл гарсан. Тэгвэл энэ талаар эрүүгийн цагдаагийн газраас мэдээлэл хийж байна.

    Нийслэлийн цагдаагийн газрын дэд дарга  Р.Отгонжаргал  “Жагсаал өглөө 10:00 цагаас тайванаар эхэлсэн. Энэ жагсаал анх зохион байгуулахдаа зөвшөөрөл авсан жагсаал байгаагүй. Цагдаагийн байгууллагаас жагсаал хийж байгаа залууст иргэдийн эрх чөлөөнд халдахгүй байхыг сануулсан. Залуучуудад үзэл бодлоо илэрхийлэх эрхийг нь үлдээсэн. Жагсаалд оролцогчид орой 18:00 цагаас хойш нийтийн буруу үйлдэлд турхирсан үйлдэл  хийж эхэлсэн. Сүүлдээ цагдаагийн байгууллагын албан хаагчийн тавьсан шаардлага биелүүлээгүй,  төрийн тусгай газарт халдах гэсэн. Мөн цагдагийн албан хаагчийн биед халдсан. Жагсаалд  өсвөр насны залуучууд, хүүхдүүд байсан. Шөнийн  03:00 цагт албадан  явуулж тараах ажиллагаа явуулсан. Шаардлагын үйл явцад 20 иргэнийг түр саатуулан шалгаж байна. Мөн 18 иргэнийг эрүүлжүүлсэн. Саатуулсан иргэн дунд бага насны хүүхэд байхгүй. Оройны 18:00 цагийн орчимд нэг эмэгтэйн толгой хагарсан хоёр оёдол тавиулсан, шалгаж байгаа. Бүх  иргэдийн  иргэний үнэмлэхийг шалгах боломж байгаагүй. Бид зүгээр зогсож байсан хүмүүсийг барьж хориогүй. Цагдаагийн байгууллагын зүгээс олон удаагийн сануулга явуулсан , тайван жагсаал хийхийг нь зөвшөөрсөн боловч орой болоход тайван жагсаал өөр хэлбэрт шилжсэн тул баригдсан иргэдийг түр хугацаагаар саатуулж байна" гэв.