Засгийн газрын өнөөдрийн ээлжит хуралдаанаар нөөцийн махны кг тутамд нь 900-1100 төгрөгийн дэмжлэгийг батлагдсан төсөвтөө багтаан олгохыг ХХААХҮ-ийн сайдад үүрэг болгожээ. Тодруулбал, "КОВИД-19" цар тахлын улмаас 2022 оны нөөцийн мах бэлтгэсэн аж ахуйн нэгжийн үйл ажиллагааны зардал өссөн тул үхэр, хонь, ямааны махны нэг кг тутамд 900-1100 төгрөгийн дэмжлэг олгохоор Засгийн газар шийдвэрлэсэн байна. Нийслэлийн хүн амын хаврын улирлын хэрэгцээнд зориулан үхрийн ястай мах 8900 төг/кг, хонины ястай мах 8300 төг/кг, ямааны ястай мах 7100 төг/кг үнээр есөн дүүргийн 468 дэлгүүрээр худалдаалж байна.