Төмөр замын дээрмийн асуудлаар тээвэр ложистикийн үйлчилгээ эрхлэгчид мэдээлэл хийлээ.

    Энэ үеэр Дорноговь аймгийн Замын-Үүд сумын “Сауд” компанийн гүйцэтгэх захирал Б.Батболд “Өнгөрсөн хоёр жилийн хугацаанд бусад компаниудын адил цар тахлын даван туулах гээд нэлээд хичээсэн.  Он гараад цар тахал намжиж, хил гааль удахгүй нээгдчих байх гэсэн итгэлээр ажиллаж байсан. Үүнтэй зэрэгцээд 2018 онд Улаанбаатар төмөр замыг түрээсэлсэн түрээсийн гэрээ дуусаж байсан, сунгуулах хүсэлтээ өгсөн. Улаанбаатар төмөр замаас бидэнд албан бичиг ирсэн. Ингэхдээ манайх түрээсийн нэг метр кв үнэлгээ болох 50 төгрөг байсныг 7000 төгрөг болголоо. Үүнийг хүлээн зөвшөөрөхгүй бол цаашид гэрээгээ цуцална гэдэг санал ирсэн. Нурмаг ачаа буюу нүүрс гэдэг бол их хэмжээгээр экспортод гардаг. Энэ ч утгаар талбай бол их хэмжээгээр шаарддаг болохоор манайх 11.4 га газар түрээсэлдэг.  Тэгэхээр бид өмнө нь оффес, газрын түрээстэйгээ нийлээд сард 13 орчим сая төгрөгийн түрээс төлдөг байсан бол одоо зөвхөн газрын түрээсэндээ сард 798 сая төгрөг төлөх болчихоод байна. Энэ байдлыг бид орчин үеийн бизнесүүдийн дээрэм юм болов уу гэж хүлээж авч байна” гэв.