Тагнуулын ерөнхий газраас цаг үеийн асуудлаар мэдээлэл өглөө. Энэ үеэр Тагнуулын ерөнхий газрын Хэвлэл мэдээллийн ажилтан П.Өгөөмөр “Иргэдийн жагсаал, цуглааны үеэр бусдын эрүүл мэнд, аминд санаатайгаар халдаж, зэвсэг бэлдэж байсан таван иргэнийг баривчилсан. Тэд нэр бүхий улстөрч, төрийн албан хаагчийн аминд халдахаар төлөвлөж байсан нь мөрдөн шалгах ажиллагааны үеэр илэрсэн. Мөн хэргийн нэг холбогдогч дээрх үйл ажиллагаанд оролцохоор хадгалж байсан бүртгэлгүй галт зэвсгээр нэгнийгээ санаатайгаар буудаж, биед нь хүнд гэмтэл учруулсан байна. Тиймээс жагсаал, цуглааны үеэр зэвсгийн чанартай эд зүйлс, тэсэрч, дэлбэрэх бодис ашиглан нийтийг хамарсан эмх замбараагүй байдал үүсгэх этгээдүүд байхыг үгүйсгэх аргагүй учир ТЕГ-аас иргэдийг сонор сэрэмжтэй байхыг анхууруулж байна” гэв.