Тагнуулын ерөнхий газраас цаг үеийн асуудлаар мэдээлэл хийж байна. Энэ үеэр Тагнуулын ерөнхий газрын Хэвлэл мэдээллийн ажилтан П.Өгөөмөр “ТЕГ-аас шалгаж буй зарим хэргийн талаар мэдээлэл өгье. Олныг хамарсан жагсаал, цуглааны үеэр иргэдийн эрүүл мэнд, аминд санаатайгаар халдаж, үймээн самуун хийх гэж оролдсон таван иргэнийг баривчлан, шалгаж байна. Тухайн этгээдүүд дээрх үйл ажиллагааг санаатайгаар зохион байгуулахаар бэлдэж байсан ба орон гэр, автомашин, ажлын байранд хийсэн шалгалтаар байлдааны болон бусад төрлийн 12 зэвсэг, буу илэрсэн. Үүнээс гадна 861 сум болон тэсэрч дэлбэрэх хэрэгсэл олдсоныг хураан авсан. Хурааж авсан галт зэвсэгт Б.Баасанцогтын эзэмшлийн буу байсан учир түүнийг баривчлан, шалгаж байгаа. Тиймээс иргэдэд жагсаал цуглаанд оролцохдоо сонор сэрэмжтэй байхыг ТЕГ-аас анхааруулж байна” гэв.