2015 оны “Авьяаслаг Монголчууд” шоуны  гуравдугаар байранд шалгарч, өвөрмөц содон хоолой  авьяасаараа олон түмний талархлыг хүртсэн барилгачин А.Отгонбаяр таалал төгсжээ.  

    Тэрээр "Авъяаслаг Монголчууд" шоуны шилдэг оролцогчдын нэгээр шалгарч, өөрийн авьяасаар энгийн нэгэн барилгачин залуугаас монголчуудын хайртай хүү болж чадсан юм. Түүнд шоу нэвтрүүлгийн дараагаар Соёл урлагийн их сургуульд үнэ төлбөргүй сурах эрхийн эзэн болж байсан юм. Талийгаач 2016 онд “Ижийдээ очмоор” нэртэй анхныхаа уран бүтээл гаргаж, бие даасан тоглолтоо хийж байсан билээ.