Засгийн газрын хуралдаанаас гаргасан шийдвэрийн талаар мэдээлэл хийлээ. Энэ талаар ХХААХҮ-ийн сайд З.Мэндсайхан дараах тайлбарыг өгсөн юм.

Тэрбээр “Засгийн хуралдаанаар мах, гурил үнийг тогтвортой байлгах гэсэн чиглэлийг барьж байгаа. Засгийн газрын хувьд оны наймдугаар сард 100 тэрбум төгрөгийг гаргаж 12.6 мянган тн нөөцийн мах бэлтгэсэн байгаа. Үүний 30 хувь үхрийн, 60 хувь нь хонины 10 хувь нь ямааны мах байгаа. Энэ оны гуравдугаар сарын 25-наас эхлээд зах зээлд борлуулж эхэлсэн. Нийт 468 худалдааны төв болон дэлгүүрүүдээр худалдаалж байна. Энэ нь долдугаар сарын 1 хүртэл буюу нөөцийн махны хэрэглээг хангах боломж бүрдсэн гэж ойлгож болно. Нөөцийн мах, шинэ мах буюу нойтон махнаас хямд худалдаалагдаж байгаа. Түүнчлэн гурилын нөөцийг тогтвортой байлгах тал дээр анхаарч байна. Энэ жил бид аль болох хүнсний ногоо ахиу тариалахаар шат дараатай арга хэмжээ авсан. Мөн энэ хуулиар эргэлтийн хөрөнгийг гаргахаар шийдвэрлэлээ. Түүнчлэн зарим бүтээгдэхүүний хязгаарлалтад хориг тавих асуудлыг ХХААХҮ-ийн сайдад олгохоор тусгагдсан байгаа” гэлээ.