Мах, гурил, шатахууны үнэ өсөж байгаатай холбоотойгоор Сангийн сайд Б.Жавхлан мэдээлэл өглөө. Тэрбээр “Үнэ өссөн нөхцөл байдалтай уялдуулан  өргөн  хэрэглээний шатахуун, мах, гурил гэсэн бараа бүтээгдэхүүнд Засгийн газраас үнийг тогтвортой байлгахын тулд яаралтай хууль эрх зүйн орчинд өөрчлөлт оруулах , Монгол банк энэ зүйл дээр ямар үүрэгтэй оролцох талаар бүх зүйлийг маш тодорхой болгоно. Эдгээрийг  хуулийн зохицуулалтаар шийдвэрлэх нь чухал юм. Энэ удаагийн үнийг өөрчлөлт нь жирийн үеийн эрэлтийн шалтгаан, мөнгөний бодлогоор зохицуулдаг тийм үнийн өсөлт биш.  Энэ бол онцгой хурцадмал мөргөлдөөний улмаас ирсэн нөлөөллүүдэд зохицуулалт хийх,  тогтвортой байлгах нөхцөл байдлаас Монгол Улсын эдийн засгийг бага хохиролтой байлгах, иргэдийн нуруун дээр ачааны асуудалд зохицуулалт хийнэ" гэв.