ЦЕГ-ын Хар тамхитай тэмцэх газраас  өнгөрсөн долоо хоногт нийт зургаан гэмт хэрэг 10 этгээдийг дайчлан баривчилжээ. Шалгалтын явцад эд мөрийн баримтаар байгалийн гаралтай 158.7 грамм,  химийн гаралтай 49.7 грамм мансууруулах, эм сэтгэцэд нөлөөт бодисыг хураан авсан бөгөөд одоогоор мөрдөн шалгах ажиллагааг явуулж байна.

  Тус гарсан гэмт хэргийн шалтгаан нь өсвөр үе, хүүхэд залуусын дунд  жортой болон жоргүй олгогддог эмүүдийг  зориулалтын бусаар хэрэглэх, судсаар тарьснаас болж гар хуруунд нь нүхжилт үүсэх, амиа алдах тохиолдол цагдаагийн байгууллагад бүртгэгдэж байгааг мэдээлэв. Иймд эцэг, эхчүүд хүүхдүүддээ анхаарал тавьж, мансууруулах зорилгоор элдэв эм, тариа хэрэглэж байгаа эсэхт хяналт тавихыг анхаарууллаа.