Олон улсад  дөрөвдүгээр сарын 1-ний өдрийг инээдмийн баяр болгон тэмдэглэн өнгөрүүлдэг. Тэгвэл уг өдрийг сонирхолтойгоор тэмдэглэн өнгөрүүлдэг улсуудыг танилцуулж байна.

Ром

Эртний Ромд энэ өдөр инээдмийн бурхныг залж байсан түүхтэй.

АНУ

Жил болгон хамгийн тэнэг хүмүүсийн жагсаалтыг гаргадаг бөгөөд тухайн жагсаалтад томоохон улс  төрчид, эрх баригчид багтдаг байна.

ШОТЛАНД

Инээдмийн баярыг  хоёр өдрийн турш тэмдэглэдэг. Хууртагдсан хүнийг “хөхөө” “тэнэг” хэмээн хочилдог.

НИДЕРЛАНД

Хүмүүс сонин уншихыг илүүд үздэг. Учир нь жил бүрийн  энэ өдрийн дугаарт төрөл бүрийн шуугиант мэдээлэл нийтлэгдэн олны сонирхлыг татдаг.

ИТАЛИ

Италид цаасаар төрөл бүрийн загас хийж бусдын нуруун дээр мэдэгдэлгүй зүүдэг даажигнал түгээмэл байдаг.

ГЕРМАН

Германчууд хамгийн азгүй өдөр гэдэг. Учир нь ард түмний алдарт их хүү Иуда Маккавей нас баржээ. Гэсэн хэдий ч баярын өдрийг нь бэлгэшээж, азгүй инээдгүй өдөр хэмээн тэмдэглэн өнгөрүүлдэг байна.

ЭНЭТХЭГ

Энэтхэгчүүд борооны улирлын эхлэл хэмээн билэгдэж, бие бие рүүгээ ус шүршин тэмдэглэж, инээж хөгжилддөг ажээ.