Олон улсын инээдмийн баярын өдөр. Анх хэзээ хэрхэн тэмдэглэж эхэлсэн нь тодорхойгүй ч хэдий анх 1582 онд Ромын пап XIII Григорий шинэ цаг тооны бичиг ашиглах тушаал гаргасан ч тус цаг тооны бичигт шинэ жилийн баярын өдрийг  нэгдүгээр сарын 1-нээс эхэлж байсан тул санал нэгдээгүй хэсэг хүмүүс шинэ жилийг урьдын адил дөрөвдүгээр сарын 1-нд тэмдэглэсээр байсан аж. Мөн Европын дийлэнх хэсэг ч хуучин хуанли мөрдөж байсан тул тэднийг “April Fools” буюу “дөрөвдүгээр сарын тэнэгүүд” хэмээн нэрлэх болжээ. Григорийн он тооллын дараагаас ядарсан ард олныг амраах зорилготой инээдмийн баярыг тэмдэглэж иржээ.  Энэ өдөр хүмүүс гэр бүлийн гишүүд, найз нөхөд, хөрш, дайсан гэлтгүй хууран мэхэлж, эвгүй байдалд оруулж дууссаны дараа буюу шөнө дунд "Дөрвөн сарын нэгэн шүү" гэж цаад хүнээ тайвшруулдаг.

  Монгол улсын хувьд 1968 оноос эхлэн “Монголын Зохиолчдын Хороо” дөрөвдүгээр сарын 1-нийг инээдмийн өдөр болгон жил бүр тэмдэглэж байхаар тогтжээ.

О.Эрдэнэтунгалаг